ایپل اگلے سال اپنے مشہور iPhone Air کا نیا ورژن iPhone Air 2 متعارف کرانے کی تیاری کر رہا ہے۔ معروف لیکر Digital Chat Station کے مطابق، کمپنی معمول کے اپڈیٹ شیڈول پر قائم رہے گی، حالانکہ کچھ رپورٹس میں پروڈکشن مسائل کا ذکر کیا گیا تھا۔
نئے آئی فون میں 6.5 انچ کا Super Retina XDR ڈسپلے دیا جائے گا جبکہ Face ID فیچر بھی برقرار رہے گا۔ فون کا ڈیزائن پتلا اور ہلکا ہوگا، لیکن سب سے نمایاں تبدیلی کیمرہ سسٹم میں کی گئی ہے۔
ایپل اس بار 48 میگا پکسل الٹرا وائیڈ لینز شامل کر رہا ہے جو موجودہ ماڈل میں نہیں تھا۔ پچھلا iPhone Air صرف ایک کیمرہ کے ساتھ آتا تھا، جو وسیع تصویری زاویہ کے بجائے صرف کراپنگ سے کام لیتا تھا۔
نئے ماڈل میں کیمرے افقی انداز میں لگائے جائیں گے، جو اسے iPhone 17 کے ڈیزائن سے مختلف بنائے گا۔ فی الحال یہ واضح نہیں کہ Air 2 میں اسپیشل ویڈیو کیپچر فیچر دیا جائے گا یا نہیں۔
iPhone Air 2 کے 256GB اور 512GB اسٹوریج ورژن پیش کیے جائیں گے، جن میں 12GB RAM ہوگی۔ ابتدائی قیمت $959.99 متوقع ہے۔
