کراچی میں نویں جماعت سائنس گروپ کے کمپیوٹر اسٹڈیز کا پرچہ آج ساڑھے نو بجے شروع ہوگا، تاہم امتحانی مراکز میں بجلی کی عدم فراہمی کے باعث طلباء کو شدید مشکلات کا سامنا ہے۔
اسسٹنٹ سینٹر سپرنٹنڈنٹ اقبال قریشی کے مطابق گزشتہ روز بھی بجلی نہیں تھی اور طلباء نے انتہائی مشکل حالات میں امتحان دیا۔ انہوں نے بتایا کہ بجلی کی فراہمی کی یقین دہانی کرائی گئی تھی مگر تاحال عملدرآمد نہیں ہو سکا۔
ان کا مزید کہنا تھا کہ آج کمپیوٹر اسٹڈیز کا مختصر پرچہ ہے، تاہم بڑے امتحانات میں بجلی نہ ہونے کی صورت میں طلباء کو مزید مشکلات کا سامنا کرنا پڑ سکتا ہے۔
