کراچی کے علاقے بلدیہ ٹاؤن میں واقع تعلیمی ادارے گریشیئنز کے طلبہ نے روس کے شہر سوچی میں منعقد ہونے والے مائی جیو اولمپیاڈ 2026 میں کانسی کا تمغہ جیت کر پاکستان کا نام روشن کر دیا۔
طلبہ نے اس بین الاقوامی مقابلے میں اپنی بہترین صلاحیتوں، محنت اور لگن کا مظاہرہ کیا۔ اس کامیابی سے نہ صرف تعلیمی ادارے بلکہ بلدیہ ٹاؤن کے عوام کا سر بھی فخر سے بلند ہوا ہے۔
اس موقع پر سر سلیم کی رہنمائی اور حوصلہ افزائی بھی قابلِ تحسین ہے، جنہوں نے طلبہ کو تعلیمی میدان میں آگے بڑھنے اور بین الاقوامی سطح پر اپنی صلاحیتوں کے اظہار کی ترغیب دی۔
گریشیئنز کے طلبہ کی یہ کامیابی بلدیہ ٹاؤن کے لیے باعثِ فخر ہے اور دیگر طلبہ کے لیے ایک مثال ہے۔
