کراچی (اسٹاف رپورٹر)
جناح سندھ میڈیکل یونیورسٹی نے شدید بارش کے خدشات کے باعث 9 ستمبر کو ہونے والے امتحانات ملتوی کرنے کا اعلان کیا ہے۔ یونیورسٹی انتظامیہ کے مطابق نئی تاریخوں کا اعلان بعد میں کیا جائے گا۔
ترجمان یونیورسٹی کے مطابق، طلبہ اور اساتذہ کے تحفظ کو مدِنظر رکھتے ہوئے کل یعنی 9 ستمبر بروز منگل ورک فرام ہوم پالیسی نافذ رہے گی جبکہ آن لائن کلاسز حسبِ معمول جاری رہیں گی۔
وائس چانسلر پروفیسر امجد سراج میمن نے کہا کہ ’’تعلیم کے تسلسل کو ہر حال میں یقینی بنانا ہماری اولین ترجیح ہے، اس لیے آن لائن تدریس بلا رکاوٹ جاری رہے گی۔‘‘
رجسٹرار ڈاکٹر اعظم خان نے بتایا کہ یہ فیصلہ طلبہ و اساتذہ کے تحفظ کے لیے کیا گیا ہے اور امتحانات کی نئی تاریخیں جلد جاری کی جائیں گی۔
