بالی ووڈ کے سپر اسٹار سلمان خان نئی فلم بیٹل آف گالوان کی شوٹنگ کے دوران معمولی زخمی ہوگئے تاہم اب ان کی حالت بہتر ہے۔ یہ واقعہ فلم کے پہلے شیڈول کے دوران لداخ میں پیش آیا، جہاں سخت سردی اور کم آکسیجن کے باعث شوٹنگ انتہائی مشکل ثابت ہوئی۔
بھارتی میڈیا رپورٹس کے مطابق 45 دن کے اس شیڈول میں سلمان خان تقریباً 15 دن تک سیٹ پر موجود رہے اور منفی 10 ڈگری سینٹی گریڈ میں ایکشن مناظر عکس بند کروائے۔ چوٹ لگنے اور سانس کی دشواری کے باوجود اداکار نے شوٹنگ جاری رکھی اور مختصر آرام کے بعد دوبارہ سیٹ پر واپس آگئے۔
پروڈکشن ٹیم کے مطابق سلمان خان اب ممبئی پہنچ گئے ہیں جہاں فلم کا دوسرا شیڈول شروع ہوگا۔
خیال رہے کہ بیٹل آف گالوان 2020 میں چین اور بھارت کے درمیان وادی گالوان میں ہونے والے فوجی تصادم پر مبنی ہے۔ فلم میں سلمان خان کے ساتھ چترانگدا سنگھ اور ابھیلاش چوہدری بھی شامل ہیں۔ فلم کی ریلیز کی تاریخ تاحال سامنے نہیں آئی، تاہم امکان ظاہر کیا جارہا ہے کہ اسے 2026 میں ریلیز کیا جائے گا
