معروف پاکستانی اداکارہ عائزہ خان نے سوشل میڈیا پر ذاتی زندگی کی نمائش پر تشویش کا اظہار کرتے ہوئے کہا ہے کہ اب وقت آ گیا ہے کہ ہم اپنی نجی زندگیوں کو سوشل میڈیا سے دور رکھیں۔ ان کے اس بیان کو "پاکستانی سیلیبرٹیز” کے ایک پلیٹ فارم پر شیئر کیا گیا ہے۔
عائزہ کا کہنا تھا کہ ہر چیز آن لائن شیئر کرنا نہ صرف غلط فہمیاں پیدا کرتا ہے بلکہ اکثر اوقات انسان کو تنقید اور ذہنی دباؤ کا سامنا بھی کرنا پڑتا ہے۔ ان کے مطابق، سوشل میڈیا کا استعمال سوچ سمجھ کر کرنا چاہیے۔
اداکارہ نے مزید کہا کہ آج کے دور میں حدود قائم رکھنا ضروری ہے، چاہے وہ عام افراد ہوں یا مشہور شخصیات۔ ہر کسی کو اپنی پرائیویسی کا خیال رکھنا چاہیے۔
عائزہ خان کے اس بیان کو مداحوں کی جانب سے سراہا گیا ہے، اور کئی افراد نے اس رائے سے اتفاق کیا کہ "ہر چیز عوامی نہیں ہونی چاہیے۔”
