بٹگرام – خیبر پختونخوا کے ضلع بٹگرام میں ایک دلخراش واقعہ پیش آیا جہاں ایک شخص اپنی بیوی اور چار کمسن بچوں کو سیلابی ریلے میں کھو بیٹھا۔ یہ سانحہ اتوار کی علی الصبح اس وقت پیش آیا جب خاندان سو رہا تھا۔
واحد زندہ بچ جانے والے شخص نے بتایا کہ صبح تقریباً 4 بجے کسی نے انہیں جگایا اور اطلاع دی کہ سیلابی پانی گاؤں میں داخل ہوگیا ہے۔ وہ فوراً اپنی بیوی اور بچوں کو لے کر نکلنے کی کوشش کرنے لگے لیکن تیز بہاؤ نے انہیں گھیر لیا۔
انہوں نے بتایا کہ سیلاب کے زور میں ان کی بیوی اور بچے ان کے ہاتھوں سے چھوٹ گئے۔ وہ خود تیراکی کرکے باہر نکلنے میں کامیاب ہوگئے لیکن ان کی بیوی اور بچے، جن کی عمریں 10، 8، 4 اور 2 سال تھیں، جان نہ بچا سکے۔
ضلعی حکام کے مطابق بٹگرام سمیت صوبے کے کئی علاقوں میں بارشوں اور طغیانی کے باعث امدادی کارروائیاں جاری
