ممبئی: بالی ووڈ کے معروف اور لیجنڈ اداکار دھرمیندر کو ممبئی کے بریچ کینڈی اسپتال میں داخل کرایا گیا، جس کے بعد مداحوں اور فلمی دنیا میں تشویش کی لہر دوڑ گئی۔
تاہم، ان کے قریبی ذرائع نے تصدیق کی ہے کہ کوئی سنجیدہ مسئلہ نہیں ہے۔ 90 سالہ اداکار صرف عمر سے متعلق معمولی طبی معائنوں کے لیے اسپتال میں زیرِ علاج ہیں اور ان کی صحت مستحکم ہے۔
دھرمیندر نے شعلے، چپکے چپکے، دھرم ویر، ڈریم گرل اور یملا پگلا دیوانہ جیسی بلاک بسٹر فلموں میں اپنی یادگار اداکاری سے فلمی دنیا میں اپنا مقام بنایا ہے۔
ذرائع کے مطابق، وہ جلد ہی گھر واپس آجائیں گے۔ حال ہی میں انہیں شاہد کپور اور کیرتی سینن کے ساتھ فلم تیری باتوں میں ایسا اُلجھا جیا میں دیکھا گیا، اور آئندہ وہ امیتابھ بچن کے نواسے آگوستیا نندا کے ساتھ فلم اکیس میں نظر آئیں گے۔
مداح ان کے لیے نیک خواہشات بھیج رہے ہیں اور جلد صحت یابی کی دعا کر رہے ہیں۔
