سرگودھا: زیادتی کے مقدمے میں عدالت کے روبرو بیان سے منحرف ہونے پر اینٹی ریپ ایکٹ کے تحت دو بہنوں کے خلاف مقدمہ درج کر لیا گیا۔
پولیس کے مطابق ایک خاتون نے دو افراد کے خلاف زیادتی اور تشدد کا مقدمہ درج کروایا تھا، تاہم سماعت کے دوران مدعیہ اور اس کی بہن نے کمرۂ عدالت میں اپنے بیانات واپس لے لیے۔
پولیس کا کہنا ہے کہ سیشن کورٹ نے گواہوں کے منحرف ہونے پر دونوں ملزمان کو بری کر دیا۔ حکام کے مطابق خواتین نے جھوٹا مقدمہ درج کروا کر عدالتی وقت ضائع کیا، جس پر ان کے خلاف قانونی کارروائی عمل میں لائی گئی۔
