قصور: پتوکی کے علاقے پرانی منڈی مزمل بازار میں دل دہلا دینے والا واقعہ پیش آیا جہاں ایک محنت کش ساجد کو گھر میں گھس کر قتل کر دیا گیا۔
پولیس کے مطابق چار ملزمان نے ساجد کے گھر میں داخل ہو کر فائرنگ کی جس سے وہ موقع پر ہی جاں بحق ہوگیا۔ مقدمے کے اندراج کے بعد مقتول کے بیٹے نے بیان دیا کہ اس کے والد اور ملزمان ایک ہی جگہ کام کرتے تھے۔ بارش کی وجہ سے والد کام پر نہ جا سکے جس پر ملزمان نے اشتعال میں آ کر گھر میں گھس کر گولی مار دی۔
