لندن، اونٹاریو — 25 ستمبر: پاکستان کے نوجوان اسکواش کھلاڑی نور زمان اور اشاب عرفان نے شاندار کارکردگی دکھاتے ہوئے کینیڈا میں جاری نیش کپ 2025 کے پری کوارٹر فائنل اپنے نام کر لیے اور کوارٹر فائنل میں جگہ بنا لی۔
نور زمان کی پُراعتماد جیت
ٹورنامنٹ کے پانچویں سیڈ نور زمان نے ارجنٹائن کے جیریمیاس آزنا کو 3–1 سے شکست دی۔ نور نے پہلا سیٹ 6-11 سے جیتا، دوسرا سیٹ سخت مقابلے کے بعد 14-12 سے ہارا، لیکن اگلے دونوں سیٹس 10-12 اور 7-11 سے جیت کر مقابلہ اپنے نام کر لیا۔ یہ میچ تقریباً 57 منٹ تک جاری رہا۔
اشاب عرفان کا سنسنی خیز مقابلہ
دوسری جانب اشاب عرفان نے ملائیشیا کے سنجے جیوا کو زبردست مقابلے کے بعد 2–3 سے شکست دی۔ اشاب نے پہلا سیٹ 5-11 سے جیتا لیکن دوسرا 11-5 سے ہار گئے۔ انہوں نے تیسرا سیٹ 4-11 سے اپنے نام کیا مگر چوتھے میں 7-11 سے ناکام رہے۔ فیصلہ کن پانچویں سیٹ میں اشاب نے بھرپور کھیل پیش کرتے ہوئے 6-11 سے فتح حاصل کی۔
اگلے مرحلے میں سخت امتحان
کوارٹر فائنل میں نور زمان کا مقابلہ کولمبیا کے رونالڈ پالومینو سے ہوگا، جنہوں نے تیسرے سیڈ لیاندرو رومبلیو کو شکست دی۔ اشاب عرفان کا سامنا بھارت کے چوتھے سیڈ ویر چوٹرانی سے ہوگا۔
اہمیت
نیش کپ PSA ورلڈ ٹور کا ایک "کاپر ایونٹ” ہے جو نوجوان کھلاڑیوں کے لیے عالمی رینکنگ میں ترقی اور انٹرنیشنل سطح پر تجربہ حاصل کرنے کا بہترین موقع ہے۔ نور زمان پہلے ہی پاکستان کے ابھرتے ہوئے ٹیلنٹ کے طور پر جانے جاتے ہیں جبکہ اشاب عرفان کے لیے یہ موقع ان کے کیریئر میں بڑی کامیابی ثابت ہو سکتا ہے۔
