پاک بحریہ نے بحیرہ عرب میں ایک بڑی کارروائی کرتے ہوئے 130 ملین ڈالر مالیت کی منشیات ضبط کر لی ہیں۔
نیول حکام کے مطابق مشکوک نقل و حرکت کی نشاندہی کے بعد نگرانی بڑھائی گئی، جس کے نتیجے میں ایک مشکوک کشتی کو روکا گیا۔ تلاشی کے دوران خفیہ خانوں سے بھاری مقدار میں منشیات برآمد کی گئی۔
حکام کا کہنا ہے کہ یہ کارروائی سمندری راستوں کے ذریعے منشیات اسمگل کرنے والے نیٹ ورکس کے لیے ایک بڑا دھچکا ہے اور پاک بحریہ خطے میں منشیات کی ترسیل روکنے کے لیے مکمل طور پر پرعزم ہے۔
ضبط کی گئی منشیات متعلقہ اداروں کے حوالے کر دی گئی ہیں جبکہ اردگرد کے علاقے میں سرچ آپریشن بھی جاری ہے۔
