PNS Shifa Hospital کراچی کو بین الاقوامی سطح پر ایک اہم اعزاز حاصل ہوا ہے، جہاں اسپت کو ایم آر سی پی (یوکے) پی اے سی ای ایس (PACES) امتحان کے انعقاد کے لیے باضابطہ امتحانی مرکز کا درجہ دے دیا گیا ہے۔
اس پیش رفت کے بعد پاکستانی ڈاکٹروں اور طبی ماہرین کو برطانیہ کے معروف پوسٹ گریجویٹ میڈیکل امتحان کے عملی مرحلے میں شرکت کے لیے بیرونِ ملک جانے کی ضرورت کم ہو جائے گی۔ اس سے امیدواروں کو وقت اور اخراجات دونوں میں سہولت ملے گی۔
اسپتال انتظامیہ کے مطابق یہ منظوری ادارے کی اعلیٰ طبی سہولیات، معیاری تدریسی ماحول اور بین الاقوامی معیار کے امتحانی انتظامات کا اعتراف ہے۔
طبی ماہرین کا کہنا ہے کہ پی اے سی ای ایس امتحان معالجین کی کلینیکل مہارتوں کا جائزہ لینے کے لیے دنیا بھر میں ایک معتبر معیار سمجھا جاتا ہے۔ کراچی میں اس امتحانی مرکز کے قیام سے پاکستان میں طبی تعلیم اور پیشہ ورانہ تربیت کے شعبے کو مزید تقویت ملنے کی توقع ہے۔
حکام نے اس پیش رفت کو ملکی صحت اور طبی تعلیم کے شعبے کے لیے ایک اہم سنگِ میل قرار دیا ہے۔
