پاکستانی یوٹیوبر ڈکی بھائی نے سوشل میڈیا پر اعلان کیا ہے کہ وہ آج (اتوار) شام 6 بجے اپنے یوٹیوب چینل پر ایک اہم ویڈیو جاری کریں گے، جس میں وہ اپنی خاموشی توڑیں گے۔ ڈکی بھائی نے پیغام میں لکھا کہ “میں آج خاموشی توڑ رہا ہوں… اور انٹرنیٹ اسے بھول نہیں پائے گا۔”
یہ اعلان اس وقت سامنے آیا ہے جب حالیہ دنوں میں وہ مختلف تنازعات اور قانونی معاملات کے باعث خبروں کی توجہ کا مرکز بنے ہوئے ہیں۔ ان کی خاموشی نے مختلف قیاس آرائیوں کو جنم دیا تھا، جبکہ مداح مسلسل ان کے مؤقف کے منتظر تھے۔
ڈکی بھائی کے اس اعلان کے بعد سوشل میڈیا پر بحث مزید تیز ہوگئی ہے۔ صارفین توقع کر رہے ہیں کہ وہ یہ ویڈیو کسی بڑی وضاحت یا تفصیلی جواب کے ساتھ اپ لوڈ کریں گے، جو موجودہ صورتحال کو نیا رخ بھی دے سکتی ہے۔
مداحوں اور ناقدین دونوں کی نظریں اب شام 6 بجے جاری ہونے والی ویڈیو پر مرکوز ہیں، جس کے بارے میں اندازہ ہے کہ یہ بڑی تعداد میں ویوز حاصل کرے گی اور چل رہی بحث پر گہرا اثر چھوڑے گی.
