کراچی: سندھ بورڈ آف ٹیکنیکل ایجوکیشن کے کنٹرولر امتحانات، سید اختر علی شاہ نے ڈپلومہ آف ایسوسی ایٹ انجینئرنگ (ڈی اے ای) سالانہ امتحان 2025 (مارننگ اور ایوننگ شفٹ) کے امتحانی فارم جمع کرانے کی پرانی آخری تاریخیں ختم کر دی ہیں۔
اب طلباء 20 مئی سے 25 جون تک بغیر کسی جرمانے کے فارم جمع کرا سکتے ہیں۔ اس مدت کے دوران فیس مارننگ شفٹ کے لیے 3060 روپے اور ایوننگ شفٹ کے لیے بھی 3060 روپے ہوگی۔
اگر فارم 26 جون سے 7 جولائی کے درمیان جمع کرائے جائیں، تو مارننگ شفٹ کے لیے فیس 3560 روپے جبکہ ایوننگ شفٹ کے لیے 5110 روپے مقرر کی گئی ہے۔
8 جولائی سے 17 جولائی کے دوران فارم جمع کروانے کی صورت میں 1000 روپے لیٹ فیس لاگو ہوگی، جبکہ 18 جولائی سے 30 جولائی تک فارم جمع کرانے پر مزید 1500 روپے اضافی جرمانہ بھی دینا ہوگا۔
طلباء کو مشورہ دیا گیا ہے کہ وہ فارم بروقت جمع کروائیں تاکہ اضافی فیس اور ممکنہ مسائل سے بچا جاسکے۔
