کراچی: ایئر پورٹس سیکیورٹی فورس (اے ایس ایف) نے کراچی کے جناح انٹرنیشنل ایئرپورٹ پر کارروائی کرتے ہوئے مسافر کے سامان سے بھاری مالیت میں غیر ملکی کرنسی برآمد کرلی، منی لانڈرنگ کی کوشش ناکام بنا دی گئی۔
ترجمان اے ایس ایف کے مطابق دورانِ چیکنگ ایک مسافر کے دستی سامان کو مشکوک قرار دے کر تفصیلی اسکیننگ کی گئی، جس کے دوران مختلف ممالک کی کرنسی برآمد ہوئی جس کی مالیت پاکستانی 83 لاکھ روپے سے زائد ہے۔
برآمد شدہ رقم میں امریکی ڈالر، سعودی ریال، ملائیشین رنگٹ سمیت دیگر کرنسیاں شامل ہیں۔ ملزم کو ابتدائی تفتیش کے بعد برآمد شدہ کرنسی کے ساتھ پاکستان کسٹمز کے حوالے کر دیا گیا۔
