بالی ووڈ کے مشہور جوڑے کیارا ایڈوانی اور سدھارتھ ملہوترا نے اپنی نومولود بیٹی کا باضابطہ اعلان کرتے ہوئے مداحوں کو خوشخبری دی۔ یہ جوڑا فروری 2023 میں راجستھان میں شادی کے بندھن میں بندھا تھا اور تقریباً پانچ ماہ قبل اپنی پہلی بیٹی کو خوش آمدید کہہ چکا ہے۔
جوڑے نے سوشل میڈیا پر ایک دلکش تصویر شیئر کی، جس میں وہ اپنی بیٹی کے ننھے پیروں کو تھامے نظر آئے اور کیپشن میں لکھا:
"ہماری دعاؤں سے ہماری بانہوں تک، خدا کا تحفہ، ہماری شہزادی، سرایاہ ملہوترا۔”
مداحوں اور شوبز شخصیات نے اس خوشی کے موقع پر جوڑے کو دل کھول کر مبارکبادیں دی ہیں۔ کیارا اور سدھارتھ کی محبت کی شروعات فلم شیرشاہ کے سیٹ سے ہوئی، جہاں سدھارتھ نے کیپٹن وکرم بٹرا اور کیارا نے ڈمپل چیمہ کے کردار ادا کیے۔ آن اسکرین کیمسٹری حقیقی زندگی میں محبت میں بدل گئی اور 2023 میں شادی کے ساتھ یہ رشتہ مضبوط ہوا۔
جوڑے نے اپنی بیٹی کی پیدائش پر بے حد خوشی اور شکرگزاری کا اظہار کیا اور مداحوں کے ساتھ اپنے خاندانی لمحات شیئر کرنا جاری رکھا ہے۔
