خیبر پختونخوا (کے پی) کی کابینہ نے اساتذہ کے لیے نئی ای۔ٹرانسفر پالیسی منظور کرلی ہے، جس کا مقصد تبادلوں میں شفافیت اور میرٹ کو یقینی بنانا ہے۔ اس نظام میں اسکول میں خدمات کی مدت، طلبہ و اساتذہ کا تناسب اور سالانہ کارکردگی جیسے اشاریوں کو بنیاد بنایا جائے گا۔
وزیراعلیٰ سہیل آفریدی نے کہا کہ ای۔ٹرانسفر نظام کا آغاز وقت کی اہم ضرورت تھا اور اس سے تعلیمی شعبے میں شفافیت اور انصاف کے فروغ میں مدد ملے گی۔ انہوں نے واضح کیا کہ صوبے بھر میں اساتذہ کے تبادلے اور تقرریاں بدستور پابندی کے تحت ہیں، اور حکومت کو ملنے والی 400 سے زائد سفارشات میں سے کسی پر بھی عمل نہیں کیا گیا۔
سہیل آفریدی نے دیگر محکموں کو بھی میرٹ پر مبنی تبادلوں کی پالیسیاں متعارف کرانے کی ہدایت کی تاکہ انتظامی نظام میں شفافیت اور بہتری کو یقینی بنایا جاسکے۔
