بھارتی حکومت نے پاکستانی ہائی کمیشن کے ایک اہلکار کو "ناپسندیدہ شخصیت” قرار دے دیا ہے۔
بھارتی وزارت خارجہ کے مطابق، پاکستانی ناظم الامور کو اس فیصلے سے آگاہ کرتے ہوئے ایک اہلکار کو 24 گھنٹوں کے اندر بھارت چھوڑنے کی ہدایت دی گئی ہے۔ اس حوالے سے پاکستانی سفارت خانے کو باضابطہ طور پر ڈی مارش بھی کیا گیا۔
دوسری جانب بھارتی میڈیا نے دعویٰ کیا ہے کہ بھارتی ریاست پنجاب سے دو افراد کو گرفتار کیا گیا ہے، جن پر پاکستانی ہائی کمیشن کے لیے جاسوسی کرنے کا الزام ہے۔
میڈیا رپورٹس کے مطابق، ان افراد پر بھارتی فوج کی نقل و حرکت اور دیگر حساس معلومات پاکستان کو فراہم کرنے کا الزام ہے۔
گرفتار ہونے والوں میں ایک خاتون بھی شامل ہے، جس پر الزام ہے کہ وہ پاکستانی سفارتکار کے لیے خفیہ معلومات حاصل کرتی تھی۔
