کراچی (اسٹاف رپورٹر) بورڈ آف انٹرمیڈیٹ ایجوکیشن کراچی (BIEK) نے انٹرمیڈیٹ کے اُن طلبہ کے لیے سپلیمنٹری امتحانات کا شیڈول جاری کردیا ہے جو سالانہ امتحانات 2025 میں ناکام ہوگئے تھے۔
بورڈ حکام کے مطابق امتحانی فارم آن لائن پورٹل portal.biek.edu.pk پر جمع کرائے جائیں گے۔ فارم جمع کرانے کی آخری تاریخ بغیر لیٹ فیس کے 29 اکتوبر 2025 تک بڑھا دی گئی تھی، تاہم مقررہ وقت گزرنے کے بعد اب امیدوار اضافی فیس کے ساتھ فارم جمع کرا سکتے ہیں۔
یہ امتحانات سائنس (پری میڈیکل، پری انجینئرنگ)، کامرس، آرٹس اور ہیومینیٹیز کے طلبہ کے لیے منعقد ہوں گے۔ امتحانات عام طور پر دوپہر کے وقت لیے جاتے ہیں۔
بورڈ کے مطابق ایچ ایس سی پارٹ اوّل اور پارٹ دوم کے لیے ریگولر، ریپیٹر اور امپروومنٹ امیدواروں کے پریکٹیکل امتحانات پہلے ہی 3 جون سے 3 جولائی 2025 تک مکمل کیے جا چکے ہیں۔
