کراچی :اقبال مارکیٹ تھانے کی حدود اورنگی ٹاؤن سیکٹر ساڑھے گیارہ میں اھلیہ نامی خاتون نے اپنے شوہر کو فائرنگ کرکے قتل کردیا۔ واقعہ گھریلو جھگڑے کے دوران پیش آیا۔
پولیس کے مطابق مقتول کی شناخت 35 سالہ محمد حسین کے نام سے ہوئی ہے، جو شدید زخمی حالت میں اسپتال منتقل کیا گیا مگر وہ زخموں کی تاب نہ لا سکا۔ ابتدائی تحقیقات کے مطابق ملزمہ نے طیش میں آکر پستول سے فائرنگ کی۔
پولیس نے موقع پر پہنچ کر ملزمہ ایملیہ کو گرفتار کرلیا اور آلہ قتل برآمد کرلیا ہے۔
پولیس حکام کے مطابق مقتول کی والدہ کی مدعیت میں مقدمہ درج کرلیا گیا ہے جبکہ مزید تفتیش جاری ہے۔
پولیس کا کہنا ہے کہ شوہر اور بیوی کے درمیان گھریلو تنازعات اور مالی اختلافات کے باعث اکثر جھگڑے ہوتے تھے۔
