اکستانی اداکار منیب بٹ نے اپنی ذاتی زندگی سے جڑا ایک جذباتی پیغام شیئر کرتے ہوئے بتایا کہ جب بھی وہ بیٹی کی نعمت سے نوازے گئے، وہ سال ان کی زندگی کے سب سے کامیاب اور خوشحال ثابت ہوئے۔
انہوں نے کہا کہ بیٹیوں نے نہ صرف انہیں بے حد خوشی دی بلکہ کامیابی، استحکام اور بے شمار رحمتیں بھی لائیں۔ منیب کے مطابق یہی لمحات ان کی زندگی کے حقیقی موڑ تھے۔
مداحوں نے ان کے اس جذبے کو سراہا اور اسے بیٹیوں کی عظمت اور برکت کا خوبصورت پیغام قرار دیا، خاص طور پر اس معاشرے میں جہاں ایسی سوچ کو فروغ دینا ضروری ہے۔
منیب بٹ، جو اپنے خاندانی تعلقات کے لیے مشہور ہیں، اکثر اپنی بیٹیوں کے ساتھ محبت بھری جھلکیاں شیئر کرتے ہیں، اور باپ ہونے کے خوبصورت رشتے کو فخر کے ساتھ پیش کرتے ہیں۔
