امن معاہدے اور یرغمالیوں کی رہائی کے چند ہی دن بعد اسرائیل نے ایک بار پھر غزہ پر شدید بمباری شروع کر دی، جس کے نتیجے میں اب تک کم از کم 35 فلسطینی شہید ہو چکے ہیں۔
ذرائع کے مطابق اسرائیلی فوج نے غزہ میں حماس کے متعدد ٹھکانوں پر 120 سے زائد راکٹ حملے کیے ہیں، جن میں نصیرات کیمپ بھی شامل ہے۔
تازہ فضائی حملوں میں مزید 10 فلسطینی شہید ہوئے، جس سے مجموعی تعداد 35 تک پہنچ گئی ہے، جبکہ غزہ میں امدادی سامان کی ترسیل بھی روک دی گئی ہے۔
اسرائیل کا کہنا ہے کہ جنوبی غزہ میں اس کے دو فوجی مارے گئے ہیں، تاہم حماس نے جنگ بندی کی خلاف ورزی کے تمام اسرائیلی دعوے مسترد کرتے ہوئے الزام عائد کیا ہے کہ تل ابیب خود امن معاہدے کو نقصان پہنچا رہا ہے۔
