لندن کے معروف تعلیمی ادارے امپیریل کالج نے پنجاب حکومت کے اُس دعوے کی تردید کردی ہے جس میں کہا گیا تھا کہ ادارہ لاہور کے آئی ٹی سٹی میں اپنا کیمپس قائم کر رہا ہے۔
نیوز کے مطابق امپیریل کالج لندن نے اپنی سرکاری ویب سائٹ پر وضاحت جاری کرتے ہوئے کہا کہ "کالج کے تمام کیمپس صرف برطانیہ میں موجود ہیں، پاکستان میں کسی نئے کیمپس کے قیام کا کوئی منصوبہ نہیں ہے۔”
پنجاب کی سینئر وزیر مریم اورنگزیب نے 18 اکتوبر کو ایک ٹوئٹ میں دعویٰ کیا تھا کہ سابق وزیراعظم نواز شریف آئی ٹی سٹی میں امپیریل کالج لندن کا کیمپس بنائیں گے۔
تاہم، امپیریل کالج کی جانب سے تردید جاری ہونے کے بعد مریم اورنگزیب نے اپنی پوسٹ ڈیلیٹ کر دی۔
