اکتوبر 29، 2025
ویب ڈیسک
سمندری طوفان ملیسا نے بدھ کے روز کیوبا میں تباہی مچا دی، اس سے پہلے یہ ہیٹی اور جمیکا میں ہلاکتوں کا باعث بنا۔
ہیٹی کے جنوبی شہر پیٹیٹ گوآو میں دریا کے کنارے ٹوٹنے سے شدید سیلاب آیا جس میں 25 افراد جاں بحق ہوئے۔ جمیکا میں ایک درخت گرنے سے ایک بچہ ہلاک ہوا۔
جب ملیسا نے منگل کو جمیکا کو نشانہ بنایا تو وہ کیٹیگری 5 کا طاقتور ترین طوفان تھا۔ وزیرِاعظم اینڈریو ہولنس نے ملک کو “آفت زدہ علاقہ” قرار دے دیا۔ طوفان نے مکانات تباہ، بجلی بند، اور زرعی علاقوں کو ڈبو دیا۔
کیوبا میں طوفان کی شدت کم ہو کر کیٹیگری 2 رہ گئی ہے، مگر خطرہ برقرار ہے۔ مشرقی صوبوں میں 7 لاکھ سے زائد افراد کو محفوظ مقامات پر منتقل کیا گیا ہے، جب کہ کئی علاقے زیرِ آب ہیں۔
محکمہ موسمیات کے مطابق، ملیسا اب بہاماز کی سمت بڑھ رہا ہے۔
