ایک جنرل فزیشن کے مطابق موسیقی سننا دماغ کو سکون پہنچانے اور تخیل کو ابھارنے کے ذریعے ڈیمینشیا کے اثرات کو کم کرنے میں مدد دے سکتا ہے۔
ڈیمینشیا ایک دماغی عارضہ ہے جو یادداشت کی کمزوری، روزمرہ کاموں میں دشواری، گفتگو کے مسائل، اور مزاج و شخصیت میں تبدیلی جیسے مسائل پیدا کرتا ہے۔
اگرچہ اس بیماری کا کوئی مستقل علاج موجود نہیں، لیکن ماہرین کا کہنا ہے کہ پرانے گانے سننے سے اس کی علامات میں کمی لائی جا سکتی ہے اور دماغی کارکردگی کی کمزوری کی رفتار کو سست کیا جا سکتا ہے۔
ڈاکٹر پونم کرشن کے مطابق موسیقی دماغ کے مختلف حصوں جیسے یادداشت، توجہ، زبان اور جذبات کو بیک وقت متحرک کرتی ہے، جو دماغ کو چست رکھنے میں مددگار ثابت ہوتی ہے۔
تحقیقات سے یہ بھی سامنے آیا ہے کہ جب کوئی شخص مانوس دھنیں سنتا ہے تو دماغ میں اعصابی روابط مضبوط ہوتے ہیں، خاص طور پر ان حصوں میں جو یادداشت اور توجہ کو سپورٹ کرتے ہیں۔
