پنجاب ایجوکیشن ڈیپارٹمنٹ نے پہلی سے ساتویں جماعت تک کے سالانہ امتحانات کا شیڈول جاری کر دیا ہے، جو 10 مارچ سے 22 مارچ 2026 تک جاری رہیں گے، جبکہ نتائج 31 مارچ کو جاری ہوں گے۔
محکمے نے نئے تعلیمی سال 2026 کے لیے داخلہ پالیسی، نیا اسکول کیلنڈر اور نصاب میں تبدیلیاں بھی منظور کر لی ہیں۔ حکام کے مطابق نئی کتابوں کی 29 تبدیلیاں دسمبر میں چھپائی کے لیے بھیجی جائیں گی۔
نیا تعلیمی سال 1 اپریل 2026 سے شروع ہوگا اور سرکاری اسکولوں میں مفت کتابوں کی تقسیم 5 اپریل سے کی جائے گی۔
محکمہ تعلیم نے خبردار کیا ہے کہ پنجاب میں تعلیمی صورتحال تشویشناک ہے، کیونکہ 2025 میں 2 کروڑ 80 لاکھ سے زائد بچے اسکولوں سے باہر تھے، اور یہ تعداد آئندہ سال 3 کروڑ سے تجاوز کر سکتی ہے۔ خاص طور پر لڑکیوں کی اسکول چھورنے کی شرح بڑھ رہی ہے کیونکہ کم عمر بچے ہوٹلز، ورکشاپس اور دیگر غیر رسمی شعبوں میں کام کرنے پر مجبور ہو رہے ہیں۔
