پاکستان سپر لیگ (پی ایس ایل) کی فرنچائز کوئٹہ گلیڈی ایٹرز نے لیگ کے ساتھ اپنا 10 سالہ معاہدہ دوبارہ تجدید کر لیا ہے۔
پی ایس ایل انتظامیہ نے معاہدے کی تصدیق کرتے ہوئے بتایا کہ یہ ڈیل نئی ویلیوایشن کے مطابق ازسرِنو طے پائی ہے۔ فرنچائز کی ویلیوایشن ایک بین الاقوامی فرم EY MENA نے مکمل کی۔
چیئرمین پی سی بی محسن نقوی نے تجدیدِ معاہدہ پر خوشی کا اظہار کرتے ہوئے کہا کہ ندیم عمر کی پی ایس ایل کے لیے خدمات قابلِ تعریف ہیں، اور ان کا اعتماد ظاہر کرتا ہے کہ لیگ کی ساکھ مزید بہتر ہو رہی ہے۔
پی ایس ایل کے سی ای او سلمان نصیر نے کہا کہ کوئٹہ گلیڈی ایٹرز کے ساتھ شراکت داری پہلے سے زیادہ مضبوط ہوگی، اور یہ فرنچائز اپنے جذبے، محنت اور تسلسل کی وجہ سے نمایاں مقام رکھتی ہے۔
ان کا مزید کہنا تھا کہ ندیم عمر کی خدمات پی ایس ایل کے لیے نہایت اہم ہیں، اور کوئٹہ گلیڈی ایٹرز مقبولیت اور کارکردگی دونوں لحاظ سے لیگ کی مضبوط ترین ٹیموں میں شامل ہے۔
