سڈنی: آسٹریلوی کرکٹر فلپ ہیوز کی آج 27 نومبر کو 11ویں برسی منائی جا رہی ہے، وہ باصلاحیت نوجوان بیٹر جو 2014 میں میدان میں پیش آنے والے افسوسناک حادثے کے باعث دنیا سے رخصت ہو گیا تھا۔ شیفیلڈ شیلڈ میچ میں نیو ساوتھ ویلز کی نمائندگی کرتے ہوئے فلپ ہیوز کو لگنے والا باؤنسر ان کے گردن کے نچلے حصے پر لگا، جس کے بعد وہ گر پڑے اور اسپتال میں دو روز تک زندگی اور موت کی کشمکش میں رہتے ہوئے انتقال کر گئے۔
یہ سانحہ نہ صرف آسٹریلیا بلکہ پوری کرکٹ دنیا کے لیے ایک صدمہ تھا، جس کے نتیجے میں کھلاڑیوں کی حفاظت سے متعلق قوانین، ہیلمٹ کے معیار اور سیکیورٹی پروٹوکول میں بڑی تبدیلیاں کی گئیں۔ فلپ ہیوز ٹیسٹ اور ون ڈے کرکٹ میں اپنی کارکردگی سے بہت کم عمر میں ہی نمایاں ہو چکے تھے اور انہیں آسٹریلیا کا مستقبل کا بڑا اسٹار سمجھا جاتا تھا۔
ان کی 11ویں برسی کے موقع پر دنیا بھر کے کھلاڑی، مداح اور کرکٹ ماہرین انہیں خراجِ عقیدت پیش کر رہے ہیں اور اس حادثے کو یاد کر رہے ہیں جس نے کھیل کو ہمیشہ کے لیے بدل دیا
