دنیا کے نامور فٹبالر کرسٹیانو رونالڈو نے اپنی شادی کی تقریب کے لیے اپنے آبائی علاقے مادیرا کا انتخاب کر لیا ہے۔ توقع ہے کہ ورلڈ کپ 2026 کے اختتام کے بعد گرمیوں میں شادی کی تقریب منعقد ہوگی۔
غیر ملکی میڈیا کے مطابق سعودی کلب النصر کے پرتگالی اسٹار اور ان کی 31 سالہ منگیتر جارجینا روڈریگز کی شادی فنشل کیتھیڈرل میں ہوگی، جبکہ استقبالیہ ایک شاندار ہوٹل میں رکھا جائے گا۔
یہ تاریخی چرچ رونالڈو کے شہر کی قدیم ترین عبادت گاہوں میں سے ایک ہے، جس کی تعمیر تقریباً 511 سال پہلے 15ویں صدی کے آغاز میں ہوئی تھی۔ یہ مقام رونالڈو کے لیے اس لیے بھی اہم ہے کہ یہ اس اسپتال سے صرف دو میل دور ہے جہاں وہ پیدا ہوئے تھے۔ رونالڈو کا پرانا کلب نیشنل دا مادیرا بھی اسی علاقے کے قریب موجود ہے۔
یاد رہے کہ اس جوڑے نے گزشتہ اگست میں منگنی کا اعلان کیا تھا اور ایک تصویر شیئر کی تھی، جس میں جارجینا کی قیمتی ہیروں والی انگوٹھی نمایاں تھی۔ رپورٹس کے مطابق اس انگوٹھی میں 37 قیراط کا ہیرا جڑا ہے، جس کی قیمت تقریباً 5 ملین ڈالر بتائی جاتی ہے۔
