انٹرنیشنل کرکٹ کونسل (آئی سی سی) نے مینز اور ویمنز کیٹیگری میں پلیئر آف دی منتھ ایوارڈز کے فاتحین کا اعلان کر دیا ہے۔
مردوں کی کیٹیگری میں جنوبی افریقہ کے اسپنر سائمن ہارمر کو نومبر کی شاندار کارکردگی پر پلیئر آف دی منتھ منتخب کیا گیا۔ انہوں نے بھارت کے خلاف دو ٹیسٹ میچز میں غیر معمولی بولنگ کرتے ہوئے مجموعی طور پر 17 وکٹیں حاصل کیں اور سیریز کے بہترین کھلاڑی کا اعزاز بھی اپنے نام کیا۔
اس ایوارڈ کے لیے سائمن ہارمر کے ساتھ پاکستان کے محمد نواز اور بنگلہ دیش کے تیجل اسلام بھی نامزد امیدواروں میں شامل تھے۔
خواتین کیٹیگری میں بھارت کی جارح مزاج بیٹر شفالی ورما کو نومبر کے مہینے کی بہترین کھلاڑی قرار دیا گیا۔ انہوں نے اپنی کارکردگی کی بدولت آئی سی سی ویمنز پلیئر آف دی منتھ ایوارڈ حاصل کیا۔
اس کیٹیگری میں شفالی ورما کے مقابلے میں تھائی لینڈ کی تھپا چاپوتھاوانگ اور متحدہ عرب امارات کی ایشا اوزا بھی نامزد تھیں۔
