دسمبر 16، 2025
ویب ڈیسک
پاکستان میں منگل کے روز بھی سرد اور جزوی طور پر ابر آلود موسم کا سلسلہ جاری رہنے کا امکان ہے، جبکہ محکمہ موسمیات نے پنجاب، بالائی سندھ اور خیبر پختونخوا کے میدانی علاقوں میں معتدل سے شدید دھند اور اسموگ کی وارننگ برقرار رکھی ہے۔ مسلسل دھند کے باعث روزمرہ زندگی اور آمدورفت متاثر ہو رہی ہے اور فوری بہتری کے آثار نظر نہیں آ رہے۔
اسلام آباد اور گردونواح میں سرد موسم کے ساتھ جزوی ابر آلود آسمان رہے گا، شہریوں کو گرم کپڑے پہننے کی ہدایت کی گئی ہے۔ خیبر پختونخوا کے بیشتر اضلاع میں سرد اور جزوی ابر آلود موسم رہے گا، جبکہ شمالی علاقوں چترال، دیر اور کوہستان میں کہیں کہیں بارش اور پہاڑی علاقوں میں ہلکی برفباری متوقع ہے۔ پشاور، صوابی، مردان، چارسدہ، نوشہرہ اور ڈیرہ اسماعیل خان سمیت کئی اضلاع میں صبح اور رات کے وقت دھند پڑنے کا امکان ہے جس سے حدِ نگاہ متاثر ہو سکتی ہے۔
