کالعدم تنظیم داعش سے تعلق کے الزام میں گرفتار ملزم کو انسداد دہشت گردی کی خصوصی عدالت میں پیش کر دیا گیا۔
تفصیلات کے مطابق انسداد دہشت گردی عدالت کے جج فرید خان علیزئی نے تفتیش کے لیے ملزم کو پانچ روزہ جسمانی ریمانڈ پر کاؤنٹر ٹیررازم ڈیپارٹمنٹ (سی ٹی ڈی) کے حوالے کر دیا۔
سی ٹی ڈی کے تفتیشی افسر نے عدالت کو بتایا کہ گرفتار ملزم طفیل کا تعلق کالعدم تنظیم داعش سے ہے اور وہ پشاور سمیت مختلف علاقوں میں دہشت گردی کی متعدد وارداتوں میں ملوث رہا ہے۔
ملزم کو گزشتہ روز گرفتار کیا گیا تھا۔ تفتیشی افسر کی جانب سے عدالت سے جسمانی ریمانڈ کی استدعا کی گئی، جسے عدالت نے منظور کرتے ہوئے ملزم کو پانچ روزہ جسمانی ریمانڈ پر سی ٹی ڈی کے حوالے کر دیا۔
