صدرِ مملکت آصف علی زرداری عراق کے سرکاری دورے پر بغداد پہنچ گئے، جہاں عراقی حکام اور پاکستانی سفارت خانے کے نمائندوں نے ان کا استقبال کیا۔ یہ دورہ پاکستان اور عراق کے درمیان دوطرفہ تعلقات کو مزید مضبوط بنانے کے لیے اہم قرار دیا جا رہا ہے۔
دورے کے دوران صدر آصف علی زرداری کی عراقی قیادت سے ملاقاتیں متوقع ہیں، جن میں باہمی دلچسپی کے امور، تجارت، علاقائی صورتحال اور سفارتی تعاون پر تبادلۂ خیال کیا جائے گا۔ حکام کے مطابق یہ دورہ برادر اسلامی ممالک کے ساتھ پاکستان کے تعلقات کو فروغ دینے کے عزم کی عکاسی کرتا ہے۔
