تھرپارکر میں غذائی قلت اور بیماریوں کی وجہ سے 5 روز کے دوران سول اسپتال مٹھی میں زیرِعلاج مزید 6 بچے دم توڑ گئے۔
اسپتال ذرائع کے مطابق بچے مختلف بیماریوں اور قوت مدافعت کم ہونے کے باعث زیرِ علاج تھے۔
ذرائع کے مطابق ایک ماہ میں مٹھی اسپتال میں مختلف امراض سے جاں بحق ہونے والے بچوں کی تعداد 50 ہو گئی ہے۔
ایم ایس سول اسپتال مٹھی نے کا کہنا تھا کہ بچوں کی موت کا سبب گھروں میں زچگیاں اور کم وزن کے ساتھ پیدائش ہے۔
