شہر قائد کراچی کے مختلف علاقوں میں مبینہ پولیس مقابلوں کے دوران دو ملزمان کو زخمی حالت میں گرفتار کر لیا گیا۔
پولیس کے مطابق پہلا واقعہ ناظم آباد فائیو اے کے علاقے میں پیش آیا جہاں پاپوش نگر تھانے کی پولیس نے مبینہ مقابلے کے بعد ایک ملزم کو زخمی حالت میں گرفتار کیا۔
ریسکیو حکام کے مطابق زخمی ملزم کو فوری طور پر عباسی شہید اسپتال منتقل کیا گیا۔ پولیس کا کہنا ہے کہ ملزم کے قبضے سے اسلحہ اور دیگر سامان بھی برآمد ہوا ہے۔
پولیس کے مطابق واقعات سے متعلق مزید تحقیقات جاری ہیں۔
