کراچی – نارتھ کراچی کے علاقے ناگن چورنگی میں پولیس کارروائی کے دوران ایک کانسٹیبل معمولی زخمی ہوگیا۔
ترجمان ایس ایس پی ڈسٹرکٹ سینٹرل ذیشان شفیق صدیقی کے مطابق، پولیس نے مشتبہ موٹر سائیکل سواروں کو رکنے کا اشارہ کیا لیکن ملزمان کے نہ رکنے پر انہیں تعاقب کے بعد گرفتار کرلیا گیا۔
کارروائی کے دوران 28 سالہ کانسٹیبل تنویر خان ولد محمد اکبر خان زمین پر گرنے سے زخمی ہوا، جس کے جسم کے مختلف حصوں پر خراشیں آئیں۔ زخمی اہلکار کو فوری طور پر قریبی اسپتال منتقل کیا گیا جہاں ابتدائی طبی امداد دی گئی۔ پولیس کے مطابق گرفتار ملزمان سے مزید تفتیش جاری ہے
