ٹرینیڈاڈ: کوئنز پارک اوول میں کھیلے گئے دوسرے اور آخری ٹیسٹ کے چوتھے روز پاکستان نے ویسٹ انڈیز کو آٹھ وکٹوں سے شکست دے کر دو میچوں کی سیریز ایک ایک سے برابر کر دی۔
پہلے ٹیسٹ میں 90 رنز کی شکست کے بعد مہمان ٹیم نے شاندار کم بیک کیا۔ میزبان ویسٹ انڈیز کی ٹیم جو تیسرے روز کے اختتام پر اپنی دوسری اننگز میں 103 رنز پر 6 کھلاڑیوں کے نقصان پر شدید مشکلات کا شکار تھی، چوتھے روز کے آغاز پر محض آدھے گھنٹے کے اندر 117 رنز پر ڈھیر ہو گئی۔
پاکستان کو میچ اور سیریز بچانے کے لیے صرف 75 رنز کا ہدف ملا، جو قومی ٹیم نے آسانی سے پورا کر کے شاندار فتح اپنے نام کی۔
