سعودی عرب میں ماہرین فلکیات نے تصدیق کی ہے کہ منگل 27 مئی کو مکہ مکرمہ کے مقامی وقت کے مطابق دوپہر 12 بج کر 18 منٹ پر سورج خانہ کعبہ کے عین اوپر دیکھا گیا۔
یہ سالانہ فلکیاتی واقعہ مسلمانوں کے لیے بڑی اہمیت رکھتا ہے کیونکہ اس کی مدد سے دنیا بھر کے مسلمان جدید آلات کے بغیر قبلہ کی درست سمت معلوم کر سکتے ہیں۔
سعودی خبر رساں ادارے کے مطابق رواں سال 2025 میں یہ پہلا موقع تھا جب سورج عمودی طور پر کعبہ کے اوپر آیا۔ قصیم ریجن کی فلکیاتی سوسائٹی کے صدر عیسی الغفیلی نے بتایا کہ اس خاص وقت پر دنیا میں کہیں بھی موجود افراد سورج کی سمت کا سامنا کر کے قبلہ کی درست سمت معلوم کر سکتے ہیں۔
