پاکستان کی سب سے بڑی ہارر فلم ’دیمک‘ نے عید پر شاندار انٹری دی ہے، اور صرف پہلے دو دنوں میں 6 کروڑ روپے کما کر باکس آفس پر راج کر لیا ہے۔
فلم کو نہ صرف خوفناک مناظر کے باعث پذیرائی حاصل ہو رہی ہے بلکہ اس کی کہانی، ہدایت کاری اور پروڈکشن ویلیو کو بھی ناظرین خوب سراہ رہے ہیں۔
’دیمک‘ کو عیدالاضحیٰ پر ریلیز کیا گیا، جہاں اسے دیگر فلموں کے مقابلے میں غیرمعمولی رسپانس ملا۔ سینیما ہالز میں ہاوس فل شوز چل رہے ہیں، اور سوشل میڈیا پر بھی فلم کے خوفناک سینز کی تعریف کی جا رہی ہے۔
تجزیہ کاروں کے مطابق، ’دیمک‘ نے پاکستانی فلمی صنعت میں ہارر صنف کو ایک نئی زندگی دی ہے۔ یہ فلم نہ صرف نوجوانوں میں مقبول ہو رہی ہے بلکہ فیملی آڈینس بھی بڑی تعداد میں اسے دیکھنے سنیما کا رخ کر رہی ہے۔
اگر موجودہ رفتار برقرار رہی تو ’دیمک‘ آنے والے دنوں میں نئی باکس آفس تاریخ رقم کر سکتی ہے۔
