کراچی: داؤد یونیورسٹی آف انجینئرنگ اینڈ ٹیکنالوجی (DUET) کی جانب سے پی اے ایف کمیونٹی ہال میں فارغ التحصیل ہونے والے طلباء کے اعزاز میں الوداعی عشائیے کا اہتمام کیا گیا۔ اس موقع پر سندھ پولیس بینڈ کی جانب سے گارڈ آف آنر پیش کیا گیا۔ گریجویٹ ہونے والے طلباء کا استقبال وائس چانسلر، پرو وائس چانسلر، ڈینز اور دیگر یونیورسٹی حکام نے بھرپور انداز میں کیا۔
تقریب کے دوران "یونائیٹڈ فار پاکستان – اے آئی جنریٹڈ شارٹ مووی مقابلہ” کی انعامی تقسیم کی تقریب بھی منعقد کی گئی، جس کا موضوع "معرکۂ حق” تھا۔ ہر کیٹیگری کے فاتحین کو ان کی تخلیقی صلاحیتوں کے اعتراف میں 25,000 روپے مالیت کے نقد انعامات دیے گئے۔
یہ رات نہ صرف طلباء کی تعلیمی کامیابیوں بلکہ اُن کی تخلیقی جدت کا بھی جشن بنی۔
