اداکارہ نور زفر خان نے اپنی بہن سارہ خان پر ہونے والی ریحم خان کی تنقید کو شدید غیر اخلاقی قرار دیتے ہوئے کہا کہ ایک معصوم بچی کو بیچ میں لانا سراسر نامناسب ہے۔
ریحم خان نے ایک پروگرام میں سارہ کے فیمنزم پر نظریات پر بات کرتے ہوئے کہا کہ وہ سارہ کو صرف اس کے شوہر فلک شبیر کے حوالے سے جانتی ہیں۔
ریحم نے مزید کہا: "سارہ خان ایک بیٹی کی ماں بھی ہیں، کل کو وہ بیٹی بھی کسی اور گھر میں جائے گی، اگر اس کے ساتھ کچھ غلط ہو تو سارہ کا ردِعمل کیا ہوگا؟”
انہوں نے یہ بھی کہا کہ "سارہ کو سمجھنا چاہیے کہ وہ شوبز میں صرف فیمنزم کی بدولت کام کر رہی ہیں اور شہرت بھی اسی وجہ سے حاصل ہوئی ہے۔”
اس پر نور زفر خان نے انسٹاگرام اسٹوری پر سخت ردِعمل دیتے ہوئے لکھا:
"آپ خود فیمنزم کی بات کرتی ہیں اور پھر تنقید کے لیے ایک بچے کو بیچ میں لے آتی ہیں؟ یہ تو افسوسناک ہے۔”
نور نے مزید لکھا: "سارہ نے صرف اپنی رائے دی، کسی پر تنقید نہیں کی اور نہ ہی کسی بچے کو نشانہ بنایا۔ ایک معصوم بچی کو صرف سارہ کو نیچا دکھانے کے لیے استعمال کیا گیا تو کیا یہی فیمنزم ہے؟”
انہوں نے اس عمل کو "ایکتیوازم کی آڑ میں بےحسی” قرار دیا۔
"اگر واقعی خواتین کے حقوق کے لیے کھڑے ہیں، تو سب سے پہلے ان حدود کا احترام کریں جو ہمیں تحفظ دیتی ہیں خاص طور پر معصوم بچوں کو۔”
خبر کے آخر میں نور نے کہا:
"جو تحریک ایک بچے کو ہتھیار کے طور پر استعمال کرے، وہ ترقی پسند کہلانے کی حقدار نہیں۔
فیمنزم کو فروغ دینے سے پہلے یہ یاد رکھیں: اصل طاقت خواتین کو خاموش کرنے میں نہیں بلکہ ان کی حوصلہ افزائی میں ہے۔”
