جناح اسپتال لاہور میں بڑی بدانتظامی اور ممکنہ کرپشن کا انکشاف ہوا ہے۔ اسپتال سے 1 کروڑ 21 لاکھ روپے سے زائد کا طبی سامان غائب ہو گیا ہے۔
اسپیشلائزڈ ہیلتھ کیئر ڈیپارٹمنٹ نے ڈاکٹر شبیر حسین کو شوکاز نوٹس جاری کیا ہے۔ تین رکنی انکوائری کمیٹی نے ان کے خلاف کرپشن کے شواہد پیش کیے ہیں۔
غائب ہونے والے سامان میں آپریشن تھیٹر ٹیبلز، بیڈز، اے سی، وہیل چیئرز اور دیگر فرنیچر شامل ہیں۔ حکام کا کہنا ہے کہ یہ صرف لاپرواہی نہیں بلکہ دانستہ چوری ہو سکتی ہے۔ محکمہ صحت نے سخت کارروائی کا عندیہ دیا ہے۔
