کراچی سمیت ملک بھر میں موسلا دھار بارشیں، کئی شہروں میں اربن فلڈنگ کا خدشہ

شہر قائد میں منگل کی صبح موسلا دھار بارش نے موسم خوشگوار بنا دیا اور شدید حبس سے پریشان شہریوں نے قدرے سکون کا سانس لیا۔ گزشتہ شب ہلکی بارش کے بعد صبح سویرے مختلف علاقوں میں بارش کا سلسلہ تیز ہو گیا۔

طارق روڈ، عزیز آباد، شارعِ قائدین، بوٹ بیسن، لیاقت آباد، حسن اسکوائر، نارتھ ناظم آباد، سائٹ ایریا، کلفٹن، ڈیفنس، قیوم آباد، شارعِ فیصل، ایئرپورٹ، قائد آباد، ملیر، لانڈھی اور کورنگی سمیت بیشتر علاقوں میں موسلا دھار بارش ریکارڈ کی گئی۔
گولستانِ جوہر، گلشنِ اقبال، فیڈرل بی ایریا، اسکیم 33، صفورا، ملیر کینٹ، نارتھ کراچی، منگھو پیر، سرجانی اور تیسر ٹاؤن میں بھی شدید بارش اور کہیں کہیں گرج چمک کے ساتھ بارش کا سلسلہ جاری رہا۔

محکمہ موسمیات کی پیشگوئی

محکمہ موسمیات کے مطابق آئندہ 24 گھنٹوں کے دوران ملک کے شمالی علاقوں میں مزید شدید بارشیں متوقع ہیں۔
کشمیر، گلگت بلتستان، مری اور گلیات میں موسلا دھار بارشوں کا امکان ہے جبکہ کوئٹہ، ژوب، قلات، لاہور، اٹک، راولپنڈی، اسلام آباد، پشاور، نوشہرہ، تھرپارکر، عمرکوٹ، مٹھی اور ٹھٹھہ کے نشیبی علاقوں میں اربن فلڈنگ کا خدشہ ظاہر کیا گیا ہے۔

درجہ حرارت

صبح کے وقت مختلف شہروں میں درجہ حرارت کچھ یوں رہا:

• اسلام آباد اور مظفر آباد: 24 ڈگری سینٹی گریڈ

• لاہور: 28 ڈگری

• کراچی: 31 ڈگری

• پشاور: 26 ڈگری

• کوئٹہ: 23 ڈگری

• گلگت: 18 ڈگری

• مری: 16 ڈگری

مقبوضہ جموں و کشمیر کا موسم

محکمہ موسمیات کے مطابق مقبوضہ جموں و کشمیر کے بیشتر شہروں میں آج مطلع ابرآلود رہے گا اور بارش کے ساتھ تیز ہوا چلنے کا امکان ہے۔

صبح کے وقت درجہ حرارت کچھ یوں رہا:

• سرینگر، پلوامہ، اننت ناگ اور بارہ مولہ: 18 ڈگری

• جموں: 25 ڈگری

• لیہہ: 10 ڈگری

• شوپیاں: 19 ڈگری