7 ستمبر ،2025
بے نظیر انکم سپورٹ پروگرام کی چیئرپرسن سینیٹر روبینہ خالد نے ملک کے سیلاب زدہ علاقوں کو آفت زدہ قرار دینے کا مطالبہ کرتے ہوئے کہا ہے کہ تمام سیاسی جماعتیں آپس کے اختلافات بھلا کر سیلاب زدگان کی مدد کریں۔
چیئرپرسن بی آئی ایس پی نے صوابی، بونیر اور سوات کے متاثرہ علاقوں کا دورہ کیا، جہاں انہوں نے متاثرین میں کمبل، خیمے، پینے کا صاف پانی اور کھانے پینے کی اشیاء تقسیم کیں۔
اس موقع پر میڈیا سے گفتگو کرتے ہوئے ان کا کہنا تھا کہ بی آئی ایس پی کا عملہ مشکل وقت میں سیلاب زدگان کے ساتھ کھڑا ہے۔ ملک بھر میں ٹیمیں متاثرین کا سروے کر رہی ہیں اور کسی بھی متاثرہ خاندان کو نظر انداز نہیں کیا جائے گا۔
