راولپنڈی – ڈسٹرکٹ اینڈ سیشن کورٹ نے غیرت کے نام پر قتل ہونے والی 17 سالہ سدرہ بی بی کے مقدمے میں مفرور ملزمان کو گرفتار کر کے عدالت میں پیش کرنے کا حکم دے دیا۔
ڈسٹرکٹ اینڈ سیشن جج عابد رضوان عابد نے کیس کی سماعت کے دوران چالان کو منظور کرتے ہوئے اڈیالہ جیل میں قید 9 ملزمان کے طلبی نوٹس جاری کیے۔ سپرنٹنڈنٹ جیل کو ہدایت کی گئی ہے کہ تمام ملزمان کو 15 ستمبر کو عدالت میں پیش کیا جائے۔
عدالت نے مقتولہ کی والدہ، بہنوں، ساس، بھابھی اور چچا کو بھی مفرور قرار دیتے ہوئے فوری گرفتاری اور پیشی کا حکم دیا۔ سماعت کے دوران سرکاری گواہان کی فہرست بھی عدالت میں پیش کی گئی، جبکہ جج نے مقدمے کی کارروائی کو تیز رفتاری سے مکمل کرنے کا عندیہ دیا۔
