ذرائع کے مطابق سندھ حکومت نے کابینہ میں ردوبدل کا فیصلہ کر لیا ہے، اور پاکستان پیپلز پارٹی کے چیئرمین بلاول بھٹو زرداری نے اس کی منظوری بھی دے دی ہے۔
اطلاعات کے مطابق کابینہ میں چند نئے اراکین کو شامل کیا جائے گا جبکہ 4 سے 5 وزراء کے قلمدان تبدیل کیے جائیں گے۔
ذرائع نے بتایا کہ وزیراعلیٰ ہاؤس سے کئی وزراء اور اراکینِ اسمبلی کو فون کالز کی گئی ہیں۔ وزیراعلیٰ سندھ مراد علی شاہ نے بھی بعض وزراء اور ارکانِ اسمبلی کو کل صبح ملاقات کے لیے طلب کیا ہے، جس سے لگتا ہے کہ صوبائی کابینہ میں تبدیلیاں قریب ہیں۔
