لاہور میں پولیو کے تمام ماحولیاتی نمونے منفی پائے گئے ۔
صوبائی وزیر صحت خواجہ عمران نذیر نے پولیو نمونے منفی قرار پانے پر محکمے کو شاباش دیتے ہوئے کہاکہ ضلع لاہور سے حاصل کئے گئے تمام 6 ماحولیاتی پولیو نمونے منفی قرار پانا خوش آئند ہے ۔ انہوں نے کہا کہ نمونہ جات کا منفی قرار پانا ایک حوصلہ افزا پیش رفت ہے۔ کامیابی فرنٹ لائن پولیو ورکرز اور شراکت دار اداروں کی انتھک محنت، مربوط حکمتِ عملی اور مسلسل نگرانی کا نتیجہ ہے۔
وزیر صحت نے کہاکہ وزیرِاعلیٰ پنجاب کے صحت ویژن کے تحت یہ پیش رفت پولیو کے مکمل خاتمے کی جانب ایک مضبوط اور فیصلہ کن قدم ہے۔ ہم پولیو کے آخری کیس کے خاتمے تک پوری قوت، عزم اور تسلسل کے ساتھ اپنی کوششیں جاری رکھیں گے۔
