لاہور میں زیرِ تعمیر نواز شریف کینسر اسپتال کے لیے ادھار پر حاصل کی گئی ادویات متعلقہ اسپتالوں کو واپس کر دی گئی ہیں۔ یہ فیصلہ اسپتال کے فعال ہونے میں تاخیر کے باعث کیا گیا۔
تفصیلات کے مطابق ادویات چلڈرن اسپتال لاہور، میو اسپتال، گنگا رام اسپتال، سید مٹھا اسپتال، میاں منشی اسپتال اور جنرل اسپتال لاہور سے ادھار لی گئی تھیں۔
ذرائع کے مطابق کینسر اسپتال کے لیے انجکشن، سرنجز اور سیرپ بھی بطور ادھار حاصل کیے گئے تھے۔ اسپتال کے ڈائریکٹر کی جانب سے ادھار ادویات واپس کرنے کے لیے باقاعدہ مراسلہ جاری کیا گیا۔
مراسلے میں مراکہ ویئر ہاؤس کو ہدایت کی گئی کہ ادھار لی گئی ادویات اور طبی سامان کا اسٹاک متعلقہ اسپتالوں کو واپس کر دیا جائے۔
