پاکستان میں کینسر کی روک تھام کے لئے حکومت کی جانب سے بڑا اقدام سامنے آیا ہے۔
یورپ کے سب سے بڑے کینسر ریسرچ سینٹر کے وفد نے وفاقی وزیر صحت سید مصطفیٰ کمال سے ملاقات کی۔
معروف عالمی کینسر سپیشلسٹ ڈاکٹر اسٹیفن فسٹا کی سربراہی میں آنے والے ڈاکٹرز اور ریسرچرز پر مشتمل وفد نے پاکستان میں کینسر کی روک تھام کیلئے جدید ترین ٹیکنالوجی کے ذریعے ایک سال تک بچوں کی فری کینسر سکیننگ کرنے کا اعلان کیا۔
وفاقی وزیر صحت مصطفیٰ کمال نے اس موقع پر کہا کہ جَلد ہی جدید ترین ٹیکنالوجی کے ذریعے بچوں میں کینسر کی تشخیص کیلئے مفت سکیننگ شروع کی جائے گی۔
ان کا مزید کہنا تھا کہ اس حوالے سے پاکستانی پتھالوجسٹس کو ٹریننگ بھی دی جائے گی۔
